PESINDHEN.

                  KINANTHI.

1.      

                                       DHALANG.

               PUCUNG.

1.     dhalang iku,maringi panuntun ilmu
        sa solahe wayang
        minongko lampito hurip
        nora gampang dadi dhalang kang sanyoto.

2.     kudu ngerti titi laras nggenyo suluk
        apal ing janturan
        onto wecono lan sanggit
        tamat lakon sewengi katon sampurno.

3.     ugo kudu ngerti gendhing kang satuhu
        waton nganggo laras
        tetembangan sarwo edi
        nora mayar dadi dalang temenanan.

                        4.      kudu tajem wibowo munggah ing panggung
                                 koyo dene rojo
                                 tan keno paran tumulih
                                 solah wayang sanggit kang ngemu suroso.

                         5.     nora pareng nedhi ing wanci pepanggung
                                 nadyan dudu poso
                                 nanging mung ngirang-ngirangi
                                 nora saru lamun sinawang pamirso.

                         6.     krawitane ngungkung ngungelaken talu
                                 ringgit kawiwitan
                                 ayak-ayak nuli muni
                                 sung pratondho iku jejer kang kapisan.

7.      kekombangan dalange wus katon suluk
         iki lakon opo
         rerasan poro miyarsi
         jejer pisan bakal binuko carito.

8.      wus samabto sang noto gyo arso kundur
         tumuju kadhaton
         pasewakan gyo anangkil
         aleladrang sung khurmat jengkaring noto.

9.      sang narendro ki patih sigro kautus
         mbubarke kang sebo
         ngerikke wadyo ajurit
         sung anjagi karaharjaning negoro.

         10.     ngawe wadyo bolo kang majuru-juru
                   sigro bebudhalan
                   gegaman senjoto bedhil
                   nitih liman ugo anitih turonggo.

         11.     pro kawulo aningali sarwo ngungun
                   untape pro wadyo 
                   pindhane selo blekithi
                   kadyo semut lumaku nginggileng selo.

         12.     kathah maneko warno busananipun
                   abang kumpul abang
                   koyo gunung mowo geni
                   putih-putih kadyo kuntul sewu nibo.

13.     sami ijo koyo tanduran gumadhung
          ugi wonten wadyo
          busananiro kang kuning
          pindho peksi podhang ingkang hareraton.

14.      

 

                                                                 DHALANG


     DHALANG; adalah org yg sering menuntun

 

 

KINANTHI.

 

Wali kalajenganipun

                                     asmo raden UMAR SAID

                                                    putro sunan KALIJOGO

                                Munggah gunung mudhun bukit

                                           nyebarke agami islam

                                           SUNAN MURYA kang wewangi.      

     Kang minongko jangkepipun

                                adegkipun poro wali

                                ingkang mapan ing cirebon

                             putro prabu SILIWANGI

                              yo SYARIF HIDAYATULLOH

                             gelar SUNAN GUNUNG JATI.

Kang katelah SUNAN LAWU

narendro ing mojopahit

risang prabu BROWIJOYO

 ingkang kalimo mungkasi

ponokawan SABDO PALON

NOYO GENGGONG duk'ing uni.

Putro saking SUNAN LAWU

Raden PATAH ingkang nami

minongko sultan ing demak

bintoro naliko uni

ngislamake tanah jowo

ngantos dugi sapuniki.

                                                                                                                                                                                                  

 

               WALI.KINANTHI.

Minongko wali sesepuh
MAULANA MALIK MAHGRIBI
putro syeh JUMADIL KUBRO
asal saking nagri turki
tindak dateng tanah jowo
mapan wonten kutho nggresik.

 kasambet ing rayinipun
 raden RAHMAT ingkang nami
 SUNAN AMPEL suroboyo
 nggarwo dewi condrowati
 putro prabu BROWIJOYO
 saking nagri mojopahit.

Raden RAHMAT turunipun
kang jumeneng dadi wali
gelare njeng SUNAN BONANG
sang raden MAHDUM IBRAHIM
ugi kanjeng SUNAN DRAJAD
asmo raden SARIFUDIN.

Sarono ajaranipun
sholawatan TOMBO ATI
nenggih kanjeng SUNAN BONANG
tlatah tuban tanah jawi
ugi laladan baweyan
nggeniro dakwah agami.

Paring dunung wong kang bingung
asung eling wong kang lali
tulung teken wong kang wuto
dakwahe sang raden QOSIM
iyo kanjeng SUNAN DRAJAD
ing lamongan tanah jawi.

lajeng kanjeng SUNAN KUDUS
putrane njeng USMAN HAJI
ing tlatah kudus lan rembang
gyaniro dakwah agami
nggarwo putri SUNAN BONANG
kang sesilih DEWI RUHIL

Wali kang saklajengipun
asmane sang raden SYAHID
kanjeng SUNAN KALIJOGO
ing demak dakwah agami
putro adipati tuban
wilotikto ingkang nami

       Ki.HASTO PUSPO ATMOJO.