KINANTHI.

 

Wali kalajenganipun

                                     asmo raden UMAR SAID

                                                    putro sunan KALIJOGO

                                Munggah gunung mudhun bukit

                                           nyebarke agami islam

                                           SUNAN MURYA kang wewangi.      

     Kang minongko jangkepipun

                                adegkipun poro wali

                                ingkang mapan ing cirebon

                             putro prabu SILIWANGI

                              yo SYARIF HIDAYATULLOH

                             gelar SUNAN GUNUNG JATI.

Kang katelah SUNAN LAWU

narendro ing mojopahit

risang prabu BROWIJOYO

 ingkang kalimo mungkasi

ponokawan SABDO PALON

NOYO GENGGONG duk'ing uni.

Putro saking SUNAN LAWU

Raden PATAH ingkang nami

minongko sultan ing demak

bintoro naliko uni

ngislamake tanah jowo

ngantos dugi sapuniki.

                                                                                                                                                                                                  

 

               WALI.KINANTHI.

Minongko wali sesepuh
MAULANA MALIK MAHGRIBI
putro syeh JUMADIL KUBRO
asal saking nagri turki
tindak dateng tanah jowo
mapan wonten kutho nggresik.

 kasambet ing rayinipun
 raden RAHMAT ingkang nami
 SUNAN AMPEL suroboyo
 nggarwo dewi condrowati
 putro prabu BROWIJOYO
 saking nagri mojopahit.

Raden RAHMAT turunipun
kang jumeneng dadi wali
gelare njeng SUNAN BONANG
sang raden MAHDUM IBRAHIM
ugi kanjeng SUNAN DRAJAD
asmo raden SARIFUDIN.

Sarono ajaranipun
sholawatan TOMBO ATI
nenggih kanjeng SUNAN BONANG
tlatah tuban tanah jawi
ugi laladan baweyan
nggeniro dakwah agami.

Paring dunung wong kang bingung
asung eling wong kang lali
tulung teken wong kang wuto
dakwahe sang raden QOSIM
iyo kanjeng SUNAN DRAJAD
ing lamongan tanah jawi.

lajeng kanjeng SUNAN KUDUS
putrane njeng USMAN HAJI
ing tlatah kudus lan rembang
gyaniro dakwah agami
nggarwo putri SUNAN BONANG
kang sesilih DEWI RUHIL

Wali kang saklajengipun
asmane sang raden SYAHID
kanjeng SUNAN KALIJOGO
ing demak dakwah agami
putro adipati tuban
wilotikto ingkang nami

       Ki.HASTO PUSPO ATMOJO.

 

     DHANDHANGGULO.

Pamedhare warsito jinarwi
puji dongo kunjuk mring sasomo
maring sedoyo samane
kunjuk GUSTI kang agung
kang wus paring gesang puniki
nikmat lan karohmatan
rezeki sempulur
pinaringan panjang yuswo
ngantos benjang dumugi kaki lan nini
rahayu salaminyo.

         sun sesuwun dateng poro sami
         ingkang gesang dateng alam dunyo
         urip amung delo wae
         tumuli enggal wangsul
         katimbalan ngayunan GUSTI
         urip hamung sadermo
         nengenaken syukur
         embuh bungah opo susah
         kabeh mau wus tinakdir lawan GUSTI 
         tabah,sabar tawakal.

 Lamun sabar nuli ngati-ati
urip nyanding sawenehing godho
godho lahir lan batine
niku ujianipun
alon-alon nggone ngadepi
sabar sareh tumoto
nora banjur nesu
ywo iku wujud lelakon
hamung adil wajipe siro lakoni
wiradat lan ihstiar.

           awyo nganti sambat kang kepati
           njugarake kabeeh sedyaniro
           ora bakal nemu kasel
           lan ojo nganti nyebut
           iku dadi godane neki
           becik tumuli pasrah
           marang GUSTI nipun
           jroning ati mung sumarah
           mugo-mugo enggalo pikantuk margi
           marganing kautaman.

 Ngger putraku ojo pijer nangis
cep menengo sabar sawetoro
bakal tak pendetne ngombe
ojo tansah amuwun
gumuyuho nengsemke ati
ati kang pinilolo
mesakne pun ibu
guyumu pisungsung dongo
kanggo bopo ibu kang tresno ing mami
ngukir siro dewoso.

            Dewasane dadio wong sigit
            biso jumbuh  marang ular-ular
            anetepi kudangane
            tiyang asepuhipun
            nalikane gek zaman bayi
            diemban lan digendhong
            dadio wong tuhu
            ngerti wuruk lawan wulang
            wulangane poro guru ingkang suci
            dadi bocah utomo.